Գիշերային ակումբում Ռիհանայի ժամանցը նախկին ընկերոջ՝ Քրիս Բրաունի ընկերուհու հետ:{V}

Երգչուհի Ռիհանան Հոլիվուդում այցելել է Play House գիշերային ակումբ: Ըստ Daily Mail-ի, նույն ակումբում է եղել նաեւ Ռիհանայի նախկին ընկերոջ՝ Քրիս Բրաունի ընկերուհի Կարուչե Տրանը:

 

Դատելով լուսանկարներից՝ Ռիհանայի զգեստն ավելի գեղեցիկ էր, քան ռեփերի ներկա ընկերուհունը: Նշվում է, որ ակումբում անցկացված երեկույթից հետո Ռիհանան հաստատությունից հեռացել է հետնամուտքից, իսկ Կարուչեն՝ շքամուտքից: Աստղերը, ամենայն հավանականությամբ, ակումբում որեւէ բառ չեն փոխանակել:

  

Հիշեցնենք, որ երգչուհի Ռիհանան վերադարձել է նախկին ոճին: Նա նորից փոխել է սանրվածքը. խոպոպներով կարճ մազերը երկրպագուներին հիշեցրել են սկսնակ երգչուհուն:

25-ամյա Ռիհանան նոր լուսանկարները հրապարակել է Twitter-ում եւ Intsagram-ում:

Հիշեցնենք, որ Ռիհանան 3 մլն դոլար էր շահել բրիտանական Topshop խանութների ցանցի դեմ հարուցված դատական գործի արդյունքում:

2011 թվականին երգչուհու պատկերով «Top Rihanna» մարզաշապիկները հայտնվել էին բրիտանական խանութներում: Երգչուհին ապրանքանիշի դեմ դատական հայց էր ներկայացրել: Մարզաշապիկների համար լուսանկարն արվել էր առանց երգչուհու համաձայնության: Ռիհանայի փաստաբանները 5 մլն դոլարի չափով փոխհատուցում էին պահանջում: Հայցը հետեւել է ապրանքանիշի սեփականատերերի հետ 8 ամիս տեւած բանակցություններից հետո, սակայն վերջինները երգչուհուն ընդամենը 5 հազար դոլար էին առաջարկել: