- Լեդի Գագան իր Twitter-ում միանգամից մի քանի հաղորդագրություն է հրապարակել՝ նվիրված Ռուսաստանին եւ այդ երկրում սեռական փոքրամասնությունների իրավունքներին:
- Ըստ The Washington Post-ի, երգչուհին ռուսական իշխանություններին հարցրել է, թե ինչո՞ւ իրեն չձերբակալեցին, երբ Ռուսաստանում իր համերգի ժամանակ նման հնարավորություն ունեին:
- «Որովհետեւ չէիք ցանկանում պատասխան տալ աշխարհին»,- ենթադրում է Լեդի Գագան:
- «Ռուսական կառավարությունը հանցավոր է: Ճնշմանը պատասխան է տրվելու հեղափոխությամբ: Ռուսական սեռական փոքրամասնությունների ներկայացուցիչներ, դուք միայնակ չեք: Մենք պայքարելու ենք ձեր ազատության համար»,- մեկ այլ գրառման մեջ հավելել է երգչուհին:
Անչափահասների շրջանում միասեռականության քարոզն արգելող ռուսական խիստ օրենքը զայրույթ է առաջացրել իրավապաշտպան խմբերի եւ օղու ամերիկյան սիրահարների շրջանում, հիմա էլ համասեռամոլների իրավունքների համար ակտիվորեն պայքարող Լեդի Գագայի հերթն է:
Ավելի վաղ հաղորդվում էր, որ ՌԴ Գլխավոր դատախազությունը հայտնաբերել էր, որ Մադոննայի եւ Լեդի Գագայի համերգների կազմակերպիչները խախտել են երկրի միգրացիոն եւ հարկային օրենքները: Գերատեսչության հաղորդագրության համաձայն, համերգների համար նրանց հումանիտար մուտքի արտոնագիր են տրամադրել, որը երգչուհիներին իրավունք չէր տալիս ելույթների համար հոնորար ստանալ: Ստուգումները նախաձեռնել էր պատգամավոր Վիտալի Միլոնովը:
No comments:
Post a Comment