Բիբերի համերգային ավտոբուսում թմրանյութ են հայտնաբերել:{V}

ԱՄՆ սահմանային ծառայությունը կանադական երգիչ Ջասթին Բիբերին համերգային շրջագայության ժամանակ ուղեկցող ավտոբուսներից մեկում թմրանյութ է հայտնաբերել: Այս մասին գրում է Detroit Free Press-ը:

Ավտոբուսը Կանադայից ԱՄՆ տարածք է մտել Ambassador Bridge կամուրջով, որը կանադական Վինձորը (Օնթարիո նահանգ) միացնում է ամերիկյան Դեթրոյթին (Միչիգան նահանգ): Մաքսավորները հայտնաբերել եւ առգրավել են փոքր քանակությամբ մարիխուանա, որը նախատեսված էր անձնական օգտագործման համար: Ամերիկացի սահմանապահները տուգանել են վարորդին:

Ջասթինն ինքը ԱՄՆ տարածք է մտել սեփական ավտոմեքենայով:

 

Նշենք, որ մարտին սահմանային նույն անցակետում թմրանյութ էին գտել նաեւ ամերիկյան երգչուհի Ռիհանային ուղեկցող ավտոբուսներից մեկում:

 

Հիշեցնենք, որ ավելի վաղ Բիբերը Տորոնտոյում Hazelton Hotel-ի պատշգամբից թքել էր երկրպագուների վրա: Մինչ երգիչը պատշգամբում ընկերների հետ զվարճանում էր, երկրպագուները ներքեւից լուսանկարում էին իրենց կուռքին: Սակայն միջադեպից հետո նրանք «պայթեցրել են» համացանցը՝ վիրավորելով Բիբերին: