Պենելոպա Քրուզը կներկայացնի Lindex-ի նոր հավաքածուն:{V}

Իսպանացի դերասանուհի Պենելոպա Քրուզը կդառնա Lindex ապրանքանիշի գարնանային հավաքածուի գովազդային արշավի դեմքը:

Ըստ Fashiontime-ի, 38-ամյա աստղը կներկայացնի ապրանքանիշի երեք հավաքածու. Party Perfect (կարմիր գորգի երեկույթի համար հավաքածու), My Favourite (արձակուրդային մոդելներ) եւ Summer Fiesta (դերասանուհու խորհուրդները՝ ինչ հագնել ամռանը): Գովազդային արշավը կներկայացվի պատմության տեսքով այն մասին, թե ինչպես է Պենելոպա Քրուզն անցկացնում հանգստյան օրերը: Ուրբաթ երեկոյան նա ուղեւորվում է երեկույթի կամ լուսանկարահանման: Շաբաթ աստղը հանգստանում է տնային պայմաններում, իսկ կիրակի գնում է շքեղ ճաշի միջերկրածովյան առանձնատանը: