Ռիհանա. «Քրիշտիանու Ռոնալդուն իմ «միասեռական ընկերն է»:{V}

«Ես ոչ ավանդական սեռական կողմնորոշում ունեցող շատ ընկերներ ունեմ: Ես աջակցում եմ սեռական փոքրամասնություններին»,- իսպանական Vanitatis-ին տված հարցազրույցում ասել է ճանաչված երգչուհի Ռիհանան:

 

Հարկ է նկատել, որ Ռիհանայի այս պատասխանը հետեւել է Պորտուգալիայի հավաքականի եւ մադրիդյան «Ռեալ»-ի հարձակվող Քրիշտիանու Ռոնալդուի հետ նրա ընկերական հարաբերությունների մասին հարցին:

 

Հանրահայտ պորտուգալացին, ով մայիսին Պորտուգալիայում կայացած համերգից հետո անձամբ էր հանդիպել երգչուհու հետ, դեռեւս ոչ մի կերպ չի մեկնաբանել Ռիհանայի արտահայտությունը: Ռոնալդուն միայն Facebook սոցիալական կայքի իր էջում հրապարակել է երգչուհու հետ լուսանկարը:

 

Նկատենք, որ ներկայում Ռոնալդուն ընկերուհու՝ ռուսական մոդել Իրինա Շեյքի հետ արձակուրդն է անցկացնում Սինգապուրում, ինչի մասին վկայում է Իրինայի հետ լուսանկարը, որ Twiiter-ում տեղադրել է ֆուտբոլիստը:

 

«Սինգապուրում զվարճանում  ենք Universal-ի ստուդիայում»,- գրված է լուսանկարի տակ:

Հիշեցնենք, որ վերջերս Ռոնալդուն հերթական անգամ խոստովանեց «Մանչեսթեր Յունայթեդի» հանդեպ համակրանքը, ինչի արդյունքում անգլիական ակումբ նրա վերադարձի մասին հերթական լուրերը տարածվեցին: