«Գրեմմի» մրցանակաբաշխության ժամանակ բեմ ներխուժած ուկրաինացի լրագրողը կպատժվի:{V}

Ուկրաինացի լրագրող Վիտալի Սեդյուկը, ով բրիտանական երգչուհի Ադելին «Գրեմմի» մրցանակ հանձնելու ժամանակ ներխուժել էր բեմ, կարող է կանգնել դատարանի առջեւ:

TMZ-ի փոխանցմամբ, լրագրողը 1.000 դոլար տուգանք կվճարի՝ ծրագրի ընթացքը խաթարելու եւ դահլիճ վերադառնալու պահանջը չկատարելու համար: Բացի այդ, նա կարող է դատապարտվել 6-ամսյա ազատազրկման: Սեդյուկը բեմ է խուժել՝ Ադելին սեր խոստովանելու համար, սակայն անհապաղ բռնվել է անվտանգության պահպանության աշխատակիցների կողմից:

Հիշեցնենք, որ Վիտալի Սեդյուկն արդեն եղել է սկանդալի կենտրոնում: Անցյալ տարի նա «Սեւազգեստ մարդիկ 3» ֆիլմի պրեմիերայի ժամանակ բեմ էր ներխուժել եւ համբուրել Ուիլ Սմիթին: