Երկար սպասված Լեդի Գագայի եւ Ռիհաննայի դուետը չի լինելու: [L]

Լեդի Գագան հերքել է այն լուրը, որ իր նոր «ARTPOP» ալբոմի համար ձայնագրել է երգ Ռիհաննայի հետ: Այդ շշուկները տարածվել էին այն օրվանից, երբ Ռիհաննան իր թվիթթերի միկրոբլոգում գրել էր, որ ինչ-որ մեկի հետ երգ է ձայնագրել:
«KIIS-FM» ռադիոյի եթերից Լեդի Գագան պատասխանել է երկրպագուների հարցերին:

«Ոչ դա ճիշտ չէ: Ես նկատի ունեմ, որ դա ուղղակի շշուկ է: Լավ բամբասանք է: Ես Ռիհաննային սիրում եմ, բայց դա սուտ է»:

Այնուհետեւ Գագան ավելացրեց.

«Ռիհաննան հիանալի մարդ է եւ ինձ դուր է գալիս նրա հետ շփվել, երբ մենք հանդիպում ենք»: