Քեթի Հոլմսը գիշերազգեստով փողոց է դուրս եկել:{V]

Դերասանուհի Քեթի Հոլմսն օրերս հանրությանը կրկին զարմացրել է իր արտաքին տեսքով: Թոմ Քրուզի նախկին կնոջը նյույորքյան պապարացիները նկատել են գեղեցկության սրահ ուղեւորվելիս:

• «7 дней»-ը, հղում կատարելով People.com կայքին, նշում է, որ սրահ գնալու համար դերասանուհին ընտրել էր գիշերազգեստի նմանվող անձեւ կապտա-ճերմակ վանդակներով զգեստ եւ շագանակագույն բոկոտիկներ:

Այս տեսքը, հավանաբար, բացատրվում է հոլիվուդյան դերասանուհու կյանքի բարդ ժամանակաշրջանով: People.com-ը տարին Քեթի Հոլմսի համար համարում է «վերականգնողական ծանր շրջան»:

«Հիմա նա իր անձնական կյանքով չի հետաքրքրվում: Ներկայում նա կենտրոնացել է դստեր՝ Սուրիի դաստիարակության ուղղությամբ: Քեթին պատրաստ չէ նոր հարաբերությունների: Նա բոլորովին վերջերս է ուշքի եկել Թոմ Քրուզի հետ բաժանվելուց հետո: Ապահարզանից հետո նա ասաց. «Լավ, հիմա վերադառնանք աշխատանքին»: Դա Քեթիի համար ծանր շրջան էր, բայց հիմա նա երջանիկ է եւ շարժվում է առաջ»,- ասել է դերասանուհու մտերիմներից մեկը: