Ռիհանան Մոնակոյում համերգը 3 ժամ ուշացումով է սկսել :{V}

Ճանաչված երգչուհի Ռիհանան, ով Diamonds World Tour համերգային շրջագայությամբ Եվրոպայում է, Ֆրանսիայից, Դանիայից եւ Լեհաստանից հետո ուղեւորվել է Մոնակո: Այս մասին տեղեկացնում էThe Sun-ը:

 

Երկրպագուները համերգի տոմսերի համար 520 ֆունտ սթեռլինգ էին վճարել (շուրջ 800 դոլար): Իսկ երգչուհին, անհայտ պատճառներով, 3 ժամ ուշացել է:

 

Բեմ դուրս գալով՝ Ռիհանան անմիջապես սկսել է երգել: Նա նույնիսկ չի բացատրել ուշանալու պատճառները եւ ներողություն չի խնդրել երկրպագուներից:

Նշենք, որ ավելի վաղ Ռիհանան ժամանակ էր գտել մասնակցել Փարիզի Grand Palais-ում անցկացվող Chanel-ի նորաձեւության ցուցադրությանը: Այստեղ Կառլ Լագերֆելդը ներկայացնում էր ապրանքանիշի աշուն-ձմեռ հավաքածուն:

Հավելենք, որ հունիսի 30-ին Լոս Անջելեսում կայացած Black Entertainment Television (BET) Awards-2013 երաժշտական մրցանակաբաշխության ժամանակ Ռիհանան արժանացել էր մրցանակի՝ որպես R&B/Pop լավագույն երգչուհի: