Լեդի Գագան կիսամերկ զբոսնել է Նյու Յորքում :[V}

Լեդի Գագան Նյու Յորքում շոգի դեմ պայքարի սեփական միջոցն է գտել:

Daily Mail-ի փոխանցմամբ, 27-ամյա երգչուհին որոշել է 30 աստիճան շոգից փրկվել՝ փողոց դուրս գալով կարճ կիսաշրջազգեստով եւ կրծկալով: Գագան անցորդներին ցնցել է նաեւ հսկայական կոշիկներով, որոնք ավտոմեքենա նստելուց հետո ցուցադրել է՝ պատուհանից դուրս հանելով ոտքերը:

  

Հիշեցնենք, որ վիրահատությունից հետո Լեդի Գագայի առաջին համերգը կայանալու է սեպտեմբերին, Լոնդոնում:

• The Sun-ի փոխանցմամբ, երգչուհին հանդես է գալու London’s Roundhouse դահլիճում, որտեղ շուրջ 3 հազար մարդ կարող է տեղավորվել:

Շոուի համար Գագան 500 հազար ֆունտ է ծախսելու: London’s Roundhouse-ը հայտնի է նրանով, որ այնտեղ ժամանակին համերգներ են տվել ռոք երաժշտության հսկաներ ROLLING STONES-ը, LED ZEPPELIN-ը եւ Ջիմի Հենդրիքսը:

Նշենք, որ հունիսի վերջին Լեդի Գագան վիրահատությունից հետո առաջին անգամ բեմ դուրս եկավ:

Նա ելույթ ունեցավ Նյու Յորքում անցկացված միասեռականների շքերթի շրջանակում: Գագան ակտիվորեն աջակցում է ոչ ավանդական սեռական կողմնորոշում ունեցողներին, որոնք նրա երկրպագուների շարքում բազմաթիվ են:

Հիշեցնենք նաեւ, որ Լեդի Գագայի մոմե արձանը վերջերս տեղադրվել էր Փարիզի մոմե արձանների հայտնի «Գրեւեն» թանգարանում: