Քանիե Ուեսթն առաջին անգամ ցուցադրել է դստեր լուսանկարը:{V}

Ամերիկյան ռեալիթի-շոուի աստղ Քիմ Քարդաշյանի ընկերը՝ ռեփեր Քանիե Ուեսթը, բոլորին ցուցադրել է իրենց դստեր՝ Նորիի լուսանկարը: Այդ տեղի է ունեցել Քիմի մոր՝ Քրիս Ջեների հեռուստաշոուի ժամանակ: Լուսանկարն էկրանին հայտնվել է ընդամենը մեկ վայրկյան, այդ պատճառով ոչ ոք չի հասցրել նկարել այն: Ըստ TMZ-ի, ծրագիրը եթեր է հեռարձակվելու այս ուրբաթ՝ օգոստոսի 23-ին:

• «Նորին շատ գեղեցիկ է: Նա մեծ այտեր ունի, մաշկի գույնն ավելի շատ նման է Քանիեին, քան Քիմին: Նա սեւ ուղիղ մազեր ունի եւ նշաձեւ աչքեր, ինչպես Քանիեն: Նորիի դեմքը կլոր է, աղջիկը շատ լավիկն է»,- պատմել է հաղորդման մասնակիցներից մեկը:

Քանիեն նաև խոստովանել է, որ որոշել է ցույց տալ Նորիի լուսանկարը, քանի որ չի ցանկանում վաստակել դստեր լուսանկարների շնորհիվ, նաև այն պատճառով, որ իրեն ձանձրացրել են ամենուր հետևող պապարացիները: