Ադելն ու միստր Բինը Բրիտանական կայսրության շքանշան են ստացել:{V]

Միստր Բինի դերով հայտնի դերասան Ռոուեն Աթկինսոնը եւ երգչուհի Ադելը դարձել են Բրիտանական կայսրության շքանշանակիր:

• Ըստ The Telegraph-ի, այդ պարգեւին արժանացել են նաեւ իռլանդացի ֆիզիկոս Սթիվեն Մայերսը, գիտնական Մայք Սթրաթոնը, ով հայտնաբերել է կրծքի քաղցկեղի զարգացման վրա ազդող գենը: Իսկ Մայերսը մասնակցել է Հիգգսի բոզոնի հետազոտության նախագծին. մասնիկ, որը կարող էր բացատրել աշխարհի ստեղծման մեխանիզմը: Պարգեւատրումը նվիրված էր Եղիսաբեթ 2-րդ թագուհու ծննդյան տարեդարձին:

Հիշեցնենք, որ թագուհու ծննդյան օրը ապրիլի 21-ն է, որը, սակայն, չի համընկնում միապետի ծննդյան պաշտոնական տարեդարձին. տոն, որը նշվում է 1748 թվականից: Այդ օրը երկրում բազմաթիվ տոնակատարություններ են անցկացվում: