Շակիրա. «Ծննդաբերությունից հետո ես շարպեյի տեսք ունեի»:{V}

Հայտնի երգչուհի Շակիրան մասնակցել է Էլեն ԴեՋեներիսի շոուին եւ պատմել որդու՝ Միլանի ծննդից հետո զգացմունքների մասին: Ըստ US Magazine-ի, պարզվել է, որ երգչուհուն տանջել են նույն սարսափները, ինչ եւ սովորական կանանց:

«Երեխայի ծնունդն ամենեւին էլ այդքան իդիլիական չէ, ինչպես շատերն են կարծում: Պետք չէ սպասել, որ փոքրիկը լույս աշխարհ կգա վարդագույն այտերով, շատ գեղեցիկ: Երբ ես տեսա իմ երեխային, մտածեցի. «Աստված իմ, ախր նա մանուշակագույն է եւ կնճռոտ: Ի՞նչ է սա ընդհանրապես»,- ասել է Շակիրան:

Երգչուհուն զարմացրել է նաեւ սեփական մարմինը. «Քեզ հայելու մեջ նորովի ես դիտում… Ծննդաբերությունից հետո ես շարպեյի տեսք ունեի եւ մտածում էի. «Տեր Աստված, ես երբեւէ նորից սեքսուալ տեսք կունենա՞մ: Իմ տղամարդն իմ հանդեպ նորից հետաքրքրություն կցուցաբերի՞»:

Շակիրան հիմա հրաշալի տեսք ունի եւ գրեթե վերադարձրել է նախկին կազմվածքը, այնպես որ՝ նրա սարսափներն անհիմն են: